Google ADS

Milner drejt largimit nga Liverpooli, zbulohet klubi favorit për transferimin e tij

10:08 | 29 Prill 2023
A. B.

James Milner pritet të largohet nga Liverpooli pas tetë sezoneve të kaluara në “Anfield”.

“Të Kuqtë” po planifikojnë ndryshime të mëdha për sezonin e ardhshëm dhe anglezi nuk besohet të jetë më pjesë e planeve të klubit.

Megjithatë, pavarësisht moshës, Milner duket se bën pjesë në planet e Roberto De Zerbit.

Sipas “The Athletic”, Brigtoni po përgatit një lëvizje për 37-vjeçarin, që planifikon ta bëjë pas përfundimit të këtij sezoni.

Mesfushori anglez do të mbetet lojtar i lirë në verë dhe “Pulëbardhat” thuhet se janë të vendosur për të nënshkruar me të.

Burnley është klubi tjetër që ka shprehur interesim për ish-reprezentuesin e Anglisë, por Brightoni shihet si favorit për të siguruar shërbimet e tij.

James Milner është pjesë e Liverpoolit nga vera e vitit 2015.

Ai karrierën e ka ndërtuar vetëm në futbollin anglez. Më herët ka luajtur edhe për Manchester City, Aston Villa, Newcastle United e Leeds United./GE/

Shpërndaje në rrjete sociale

Lajmet më të lexuara

Të ngjashme

Foto lajm